ORANJESTAD (AAN): Association of the consular Corps Aruba (ACCA) ta un asociacion estableci na Aruba desde aña 2001, e asociacion ta conta cu 31 consul di diferente pais di mundo.
ACCA a tene diasabra ultimo nan reunion general, durante e reunion aki ACCA a elegi nan Board nobo pa e periodo 2022-2026.
E proceso di votacion a wordo haci cu participacion di e miembronan di cada pais durante un
reunion virtual y presencial, e reunion aki a tuma lugar na e consulado di Republica Dominicana na Aruba cual lo sirbi tambe como e sede nobo di ACCA.
E board nobo di ACCA ta conta consisti di e siguiente Consulnan: Sr. Pedro Ventura, Consul General di República Dominicana a keda nombra como President di e Board. Sr. Carlos Augusto, Consul di Brazil a keda nombra como VicePresident Sra. Mirza Gnecco, Consul general di Colombia na Aruba a keda nombra como Secretaria General Sra. Cecilia Maria Arendsz, Consul di Costa Rica na Aruba a keda nombra como Tesorero.
E Board lo conta cu apoyo di e siguiente consulnan kende lo asumi e rol di Commissioner
Sr. Christian Mongellaz, Consul di Francia, Sra. Magalis Guzman, consul di Ecuador y Sra. Ami
Mendez, consul de Filipinas.
ACCA lo enfoca pa fortalece union y cooperacion entre gobierno di cada pais cu e gobierno di
Aruba. ACCA ta gradici e board anterior pa nan bon trabou y ta kla pa traha duro na bienestar di un y tur cu ta biba na Aruba.
