Asina St. Paulus School tambe a haya nan hardin

ORANJESTAD (AAN): Diferente boluntario a presenta Diasabra mainta na St. Paulus School na San Nicolas,

pa yuda e alumnonan aki haya nan hardin pa asina nan cuminsa experimenta cu Agroforesteria.

   Entre esnan cu a presenta e mainta aki tabata Ministro di Sector Primario, Ursell Arends.

   E proyectonan aki bao guia di Living Soil Aruba, ta pa yuda na un forma unico pa empodera e siguiente generacion! Di 7’or di mainta te cu 1’or di merdia, tanto maestro-, studiante- y boluntarionan na St. Paulus School a uni forsa bou guia di Santa Rosa Aruba y Living Soil Aruba pa planta un hardin di alimentacion.

   Sigur pabien na cabezante Arends y e team di St. Paulus pa participa na e iniciativa aki.  Awor ta di keha muha e hardin, y admira con e matanan lo crece pa e alumnonan siña mas di agricultura.