Lectura awenochi
ORANJESTAD (AAN): Kizas hopi hende no sa, pero un motibo comun pa perde nacionalidad Hulandes ta door di biba na forma prolonga pafo di Reino Hulandes y tambe pafo di Union Europeo. Personanan cu doble nacionalidad cu ta biba den exterior durante un periodo sin interupcion y sin renoba nan paspoort Hulandes, por perde automaticamente nan ciudadania Hulandes y Europeo.
Esaki tin biaha ta afecta Arubianonan cu tin tambe un paspoort Mericano, di cual hopi di nan no ta conciente di e consecuencia aki te mas laat.
E famoso sentencia Tjebbes (C-221/17) di Corte di Union Europeo a confirma cu e perdida di nacionalidad aki ta cumpli cu e areglo na principio di proporcionalidad di ley di Union Europeo. Den casonan individual, esaki nifica cu e perdida di nacionalidad por wordo revisa, y potencialmente cambia bek via di e procedimento di opcion.
Special riba e tema aki, awe Dialuna 26 di Januari 2026 lo bay tin un lectura riba e asunto aki, dunra door di Prof. Dr. Matjaž Tratnik, kende ta profesor di Derecho Internacional, Europeo, y Ley Comparativo na Universidad di Maribor (Slovenia), y ta un experto lider den ley di nacionalidad, y ta co-autor di ley di nacionalidad Hulandes.
Bo mester registra awe ainda pa por haya acceso na e lectura. Registra na e website aki:
E lectura ta yama oficialmente: “Verlies van de Nederlandse nationaliteit door langdurig verblijf in het buitenland na Tjebbes”. E lo ser duna den Maria Convent Aula di Universidad di Aruba, for di 6:30 pm te cu 8:00 pm. Entrada ta gratis, pero bo tin di registra riba e website na halto tanten cu tin cupo.
