Asina Facultad di FEF na Universidad a celebra cu nan graduadonan

ORANJESTAD (AAN): Recientemente, e Facultad di FEF (Finanzas, Accounting y Mercadeo) a tene nan anochi di graduacion, y esaki a tuma lugar na Universidad di Aruba.

   Un palabra di pabien sigur na e 15 graduadonan di e Facultad di FEF aki pa logra e etapa increibel aki.  Nan trabao duro combina cu perseverancia y dedicacion a yuda hiba nan pa e momento ey, y tur hende tabata orguyoso e anochi.

   E celebracion di e aña aki tabata aun mas special, danki na e recien resultado positivo di e acreditacion di e facultad, cu ta reforza su compromiso cu excelencia academico y e calidad di nan programanan.

   DIARIO a nota cu e anochi aki a manda un felicitacion special pa e graduada Rakisha Gómez, kende a wordo nombra como “Mihor Graduado” di e Facultad di FEF e aña aki, cu un GPA impresionante di 8.3.

   Nan ta manda danki na e patrocinadornan balioso, esta BDO, Marriott Aruba Resort, Vissers Corporation, y Botica Paradera pa yuda nan haci e celebracion aki ta uno memorabel.

   Pabien na e graduadonan, y Universidad di Aruba ta desea nan hopi exito den nan siguiente paso di nan trayectoria profesional.  Potretnan pa cortesia di Universidad di Aruba.