Asina esnan di La Cabana Beach Resort a celebra Siman di Housekeeping cu gratitud y aprecio

ORANJESTAD (AAN): Relaciona cu e Siman Internacional di Housekeeping, cu tabata di 12 di September te cu 19 di September, La Cabana Beach Resort & Casino a celebra su gran empleadonan y heroenan cu ta traha patras di cortina.

   DIARIO a nota cu e festividadnan a cuminsa dialuna cu un tremendo desayuno festivo den e ballroom. Den e programa, palabranan caluroso di aprecio y inspiracion a worde comparti por medio di Executive Housekeeper, Gisella Pallares, Assistant General Manager Jessica Franken y Director di Recursonan Humano Tessely Koolman.

   E siguiente dia, e team di housekeeping a worde brinda un dushi Barbecue Lunch den e ballroom, di cual e team di Food & Beverage a prepara, honorando nan coleganan profesional.
   Diaranson a habri cu un atardi di Karaoke, un evento social, na unda miembronan di team por a mustra nan talentonan den cantamento den comunidad.

   Tambe purbando nan pianan di lama, e team di housekeeping a pasa tremendo riba diabierna su Catamaran Sunset Trail, tumando potretnan memorabel, bonding riba lama, mientras cu nan a sail pasa Eagle Beach y nan resort. Aruba a mustra asina hopi bunita for di e bista di awa.

   E siman di housekeeping a culmina cu un salida fantastico na P.F. Chang’s China Bistro na unda cu supervisors di housekeeping y e team di maneho di e resort a disfruta di un excelente cena.

   E siman a genera hopi sonrisa y bon deseonan, reconociendo tur e contribucionnan importante haci por medio di e departamento di housekeeping.