Asina e Reina di Barranquilla a entrega su trahe na Museo di Carnaval

BARRANQUILLA: E Reina di Carnaval 2022 na Barranquilla, esta Valeria Charris Salcedo a dicidi na haci donacion di su bistir di e anochi di coronacion, na e Museo di Carnaval na e ciudad.

   Esaki a wordo haci durante un actividad special pa invitadonan cu tabata presente na e Museo.  Na comienzo di e anochi, su bistir tabata tapa cu un paña blanco, y prensa tabata warda te cu e momento a yega, pa e reina Valeria mes ranca un cabuya y divulga e display den e Museo.   Nan a pone e trahe tambe riba un mannequin special pe.

   Pa por mantene bibo e historia di Carnaval di Barranquilla, e museo tin su murayanan yena cu e obranan cu a luci durante e eventonan.  Den e Sala de Reinas, tin 32 bisti cu a wordo usa door di esnan cu a sali Reina.

   E trahe di Reina di Carnaval 2022 a wordo diseña pa Alfredo Barraza di Barranquillas, y e obra di arte aki yama ‘Eclipse en la Ciénaga de Mallorquin’, inspira pa e mahestuosidad di e curpa di awa y su mangelnan.

   Esnan di Museo di Carnaval a bisa, cu awa semper tabata un aspecto importante pa e ciudad, e ta algo cu ta integra tur fiesta cultural, di cual awendia e barranquilleronan ta goza di dje.