Asina Bestuurskantoor a ricibi nan colega y atleta Amadee Nicolaas

ORANJESTAD (AAN): Despues di e fenomenal ‘Ronde van Aruba’ di fin di siman, mesora a bira conoci cu e atleta cu mas a sobresali ta Amadee Nicolaas.

E ta un persona kende ta traha pa Gobierno, y a demostra un perseverancia enorme den e careda grandi aki.

   Pesey Dialuna mainta, tabatin un momento di puro orguyo na Bestuurskantoor.  Tur hende para na entrada, y den forma di sorpresa a felicita Amadee na momento cu el a yega trabao.

   Ministro Arthur Dowers tambe a bay felicit’e pa su prestacion extraordinario durante Ronde van Aruba 2026, unda Amadee a mehor su propio record personal cu 14 minuut.

   Un ehempel di disciplina, perseverancia y dedicacion. Pabien, Amadee.