‘Asi es mi Peru Aruba’ a wordo certifica pa cuminda Peruano autentico

ORANJESTAD (AAN): E certificado di ‘Cuminda Peruano Autentico’ ta un iniciativa di Universidad San Ignacio de Loyola (USIL),

cu colaboracion cu PromPerú y cu sosten di Marca Perú. E programa aki tin como meta pa preserva e balor cultural y gastronomico di cuminda peruano rond mundo, stimula e uzo di producto peruano na exterior y garantisa cu e clientenan por disfruta di un experiencia autentico di cuminda di Peru.

   Na nivel international, a prestigioso reconocimento aki a ser otorga na restaurant peruano distingui na Washington, Miami, Fort Lauderdale, Santiago de Chile, Tokyo, San Salvador, São Paulo, Madrid, Santo Domingo, Orlando, Dusseldorf, San Francisco, Lisboa, y Moscu.

   Desde 1 di October 2025, e restaurant local ‘Asi es mi Peru Aruba’ a uni cu orguyo na e lista distingui aki durance un ceremonia special na Lima, Peru.

   Sandra Zubieta, Decana di facultad Hospitality Management, Turismo y Gastronomia, USIL, a entrega na Roxanna Salinas-Van Nes, doño di Asi es mi Perú Aruba, e plaquette oficial cu ta certifica e autenticidad di e restaurant.  Decana Zubieta a enfatisa cu Asi es mi Perú Aruba a cumpli cu tur rekisito pa e certificacion, incluyendo a uzo di ingrediente genuinamente peruano, respect pa a recetanan tradicional, y presentacion cu ta honra e herencia culinario di Peru.

   Chef Olga Castro Matos, director di arte culinario di a comite evaluando y miembro di e facultad di Hospitality Management, Turismo y Gastronomia, hunto cu Alejandra Longa Lopez, coordinadora y docente di e Facultad di Gastronomia di USIL, a resalta cu e comite a keda impresiona no solamente cu e nivel halto di e cumindanan, sino tambe cu e decorashon vibrante di inspiracion peruano, e seleccion cuidadosamente escogi di cerbes y biña peruano, y inclusion di e iconico Inca Kola den su oferta di bebidanan, acompañando platonan clasicamente peruano manera ceviche, chupe, lomo saltado y pescado a lo macho.

   E reconocemento aki ta posiciona Asi as mi Perú Aruba como un di e principal embahadornan di cuminda peruano autentico na exterior, demostrando e rikeza y diversidad di e gastronomia peruano riba e escenario mundial.  Por lesa mas riba e website:

www.bit.ly/aruperu

   E empleadonan di restaurant Asi Es Mi Peru a celebra nan logronan cu un delicioso desayuno na Aquarius na Renaissance Marina Resort.