ORANJESTAD (AAN): Un di e weganan di mas popular di Lotto ta sigui di ta Zodiac.
Aki bo ta escoge bo number consistiendo di cuatro cifra, y bo ta agrega un signo zodiacal na dje, y cla bo ta!
Pero bo por escoge ta cuanto placa bo ta bet pa bo ticket. Cu wega di Zodiac, bo por bet for di 50 cent te cu 25 Florin.
Aki por mira cu Ashely a bet 10 Florin riba su ticket, y a bira feliz ora cu su number y signo a sali tambe.
Pesey riba Diamars el a acudi na oficina di Lotto na Playa pa reclama su premio. Aki e funcionarionan a check si su firma ta poni patras di e ticket, hunto cu e numbernan di su cuenta di banco. A scan e ora e barcode y inmediatamente e computer a indica cu Ashely a gana e suma di 250.000 Florin cu Zodiac.
Despues di esey mesora e proceso a cuminza pa transferi e premio electronicamente pa su cuenta di banco. Ashely a splica cu e ticket ganador mes el a cumpra na Suemar Lottery.
