Arumil ta buscando su prome militar oficial femenino. Pa 2024 lo cuminza un opleiding militar

Lorenço Teixeira, Commander di Arumil: 

ORANJESTAD (AAN)—Lorenço Teixeira, Truck Commander den e Unidad Opleiding & Training di Arumil, a duna di conoce cu despues di a finaliza e trayecto di Damas di SVT, ta bay join e Formacion Social di Curacao.

El a indica cu na Curacao tambe ta draai un trayecto similar, y esaki ta pa uni e paisnan y pa purba mehora ainda mas, e trayecto.

El a informa cu e Cader y e cursistanan ta bay tin intercambio di pensamento y duna feedback di henter e trayecto, y tur esaki, el a reitera, pa mehora e trayecto y bin cu mas cosnan innovativo.

Pa 2024, Teixeira a duna di conoce, na Maart lo bay tin dos trayecto atrobe, e siguiente SVT ta ta start sali, y desde awo caba por inscribi pa e opleiding aki. E ta bay ta un trayecto pa mucha homber entre 17 pa 25 aña di edad, y nan por manda nan solicitud aden.

Den cuminzamento di SVT nan a enfoca riba hobennan cu no tabata tin ningun chens den e mercado laboral, cu no tabata tin ni un diploma, pero awendia SVT ta motivando hobennan cu tin EPB of MAVO y nan ta bon bini tambe. Nan ta haya un chens mas grandi pa ingresa n a Arumil, pues den e parti militar mes. Den e grupo femenino tin dos candidata caba cu tin MAVO diploma caba, y na Augustus di otro aña ta bay tin un opleiding militar  pa Arumil.

Teixeira a menciona cu Arumil ainda no conoce hende muher den dienst cu ta militar oficial, pero na Curacao si tin caba. Tin un marinier femenino y Aruba ta en busca di e prome Militar femenino. E ta spera cu den e grupo cu a caba nan prome fase tin un dama cu ta destaca den e opleiding militar, cu lo tuma lugar na Curacao. Pero tur hoben entre 17 cu 25 aña lo por solicita pa e opleiding di Arumil di aña 2024.