Un gesto chikito pero cu un significado grandi
ORANJESTAD (AAN): Pa varios aña, Arubiano Awareness Brand, cu su caracter patriotico, a tene e privilegio di contribui na tradicionnan y celebracionnan cu tin un balor profundo pa nos pueblo di Aruba-
Cu esaki nan ta reafirma e compromiso di sigui honra y eleva nos cultura y nos herencia Arubiano.
"Ora cu e imagen a wordo entrega, su sonrisa a bisa tur cos: amor, humildad y un bida dedica na yuda otro.
Su dedicacion silencioso a y ta sigui toca bida di hobennan, mayornan, enfermonan y famianan den dolor. Un legado di amor cu lo keda biba pa semper."
E imagen di Nos dushi Virgen di Alto Vista, un producto unico di marca Arubiano- ta un representacion fiel di e Virgen den nos kapel sagrado. Mas cu un obsekio, e ta un simbolo di fe, amor y unidad—balornan cu Sra. Ita a encarna durante tur su bida.
Sra. Ita, masha pabien cu e reconocimento"Premio Sr. Ovito Tromp". Bo ta biba den cada bida cu bo a toca. Aruba ta agradecido.
