Pa un bon causa...
ORANJESTAD (AAN): Un informe publica na Bonaire a hala atencion debi cu un otro yiu di tera. Ta trata aki di Deaxo Croes lo landa for di Bonaire pa Corsow den e evento cu ta carga e nomber 'Crossing for Prevention'.
E evento segun informe lo tuma lugar 19 November 2022 y e ta pa bon causa den loke ta malesa di Cancer. E fondonan recauda lo wordo distribui entre KANKER FONDS BONAIRE, FUNDASHON PREVENCION CURACAO. Tambe CARIBBEAN PREVENTION CENTER. FUNDACION CORESA. COLORECTAL SCREENING ARUBA.
Sigur lo tin hopi interes pa e Arubiano Deaxo Croes cu lo wordo acompaña pa yatenan te ora cu e pisa tera firme indicando asina cu e lo logra su meta sigur.
Mesa di redaccion seccion deporte sigur lo tey pa sostene e hoben Arubiano Deaxo cu lo landa desde Bonaire pa Curaçao.
Bo por a scucha cantidad comentario recordando tambe e Arubano Kennett Croes cu tambe a intenta su esfuerzo pa landa desde Punto Fijo, cu intencion pa haci tur su esfuerzo pa logra su meta pa yega Aruba landando.
Deaxo ta bay ta e prome persona pa landa e trayecto di 53 kilometer entre Red Slave na Bonaire te na Oost Punt na Corsow.
Potret: Facebook Page Deaxo Croes
