ORANJESTAD/DEN HAAG (AAN): Un delegacion di Staten di Aruba a yega Hulanda y Presidente di Parlamento mr. Edgard Vrolijk a wordo ricibi diabierna ultimo na aeropuerto Schiphol pa Minister Plenipotenciario Guillfred Besaril.
Dialuna 6 di december e demas di e miembronan di Parlamento a yega Hulanda. Director a.i. di Arubahuis mr. Glenn Ling a bay ricibi e delegacion aki cu a consisti di drs. Shailiny Tromp-Lee, mr. Gerlien Croes, Raymicheline Raymond Msc, drs. Marisol Lopez-Tromp, Miguel Mansur, Louisette Christians-Yarzagaray Msc y Griffier di Staten mr. drs. Herman Hek.
E delegacion di Staten ta na Hulanda pa participa na e congreso “Tien jaar na de ontmanteling Nederlandse Antillen”. Tambe nan lo tin otro compromisonan manera un bishita na Raad van State y Arubahuis.
Potretnan cortesia di Arubahuis
