Aruba un biaha mas a destaca na Rep. Dominicana den Teen Princess International

ORANJESTAD (AAN): Recientemente a tuma lugar na Boca Chica Rep. Dominicana e concurso Teen Princess International na

unda cu Aruba tambe tabata presente den representacion di Darienne Lampe.

   Darienne a participa aña pasa den Miss Teen Aruba International pero apesar di no a clasifica den e finalistanan, e organizacion a mira den dje potencial international y a apunta Darienne pa e concurso  Teen Princess organiza door di Sr. William Javier di Casa de Reinas Puerto Rico.

   Durante e dianan di concentracion Darienne a enfoka riba su concurso y durante e eventonan individual semper tabata destaca.

   Den e competencia di Trahe di Baño el a keda na di dos lugar.  Den competencia di Trahe Nacional el a keda na di dos lugar, Den su Show di Talento a keda na 3er lugar.

   Durante e show final Darienne a luci spectacular di comienso te final y a logra e titulonan di “Mejor Rostro”, “Miss Elegancia”, “Aruba Best Team”, y “3era Finalista Teen Princess International:.

   GLW foundation ta masha orguyoso di Darienne y kier a gradici tur persona cu di un of otro forma a yude realiza e biahe aki, Danki na tur esnan cu a coopera cu un sponsorship sea ta prenda of financiero, cu a yuda decora y cu tabata  pendiente di Darienne na tur momento.