ORANJESTAD (AAN): Señora Nathaly Maduro, Presidente pa e Dutch Caribbean Agriculture,
Livestock & Fisheries Alliance (DCALFA) den representacion di Aruba, conhuntamente cu otro delegado nan di St Maarten, St Eustatius y SABA, ta na St Kitts pa forma parti di e “Caribbean Week of Agriculture 2025”.
E proposito di e conferencia aki ta pa crea laso nan mas estrecho cu e demas isla nan den caribe ariba e thema di Sector Primario, creando opportunidad pa mas conocemento, collaboracion y proyecto nan enconjunto.
Durante su discurso, Sr. Miguel Flemming, Secretario pa e Ministerio di Sector Primario di St Kitts & Nevis, a enfatiza ariba e importancia di collaboracion entre e isla nan den caribe, pa por tin un posicion mas fuerte ora tin di haber cu siguridad di cuminda y comercio.
Ta importante pa nos como isla nan Hulandes bou di e capa di DCALFA, tambe forma parti un plataforma cu ta mas serca di otro y conocemento pragmatico di kico e sector aki por representa pa nos isla nan Caribense. “Collaboration and unity, only makes us stronger.”
