DVG a ricibi un cantidad limita di vacuna
*Grupo mas vulnerabel lo ta e prome yama pa vacuna
ORANJESTAD (AAN): Manera a informa recientemente, Aruba a confirma e prome caso positivo di Monkeypox mientras cu Departamento di Salud (DVG) tabata pendiente di e resultado di e otro caso sospechoso.
Dialuna mainta, DVG a informa cu e caso sospechoso di Monkeypox cu ta relaciona cu e prome caso a sali positivo. Cu esaki Aruba ta registra su di dos caso positivo di Monkeypox.
Mientras tanto DVG a ricibi un cantidad limita di vacuna cu yega for di Hulanda cu den transcurso di e siguiente dianan lo wordo distribui na e grupo mas vulnerabel pa medio di diferente dunadornan di cuido.
Mester keda pendiente pa mas informacion relaciona cu e proceso di vacunacion cu lo sosode inicialmente pa e grupo mas vulnerabel.
DVG lo informa con e proceso aki lo cana pa medio di e dunadornan di cuido.
Potret: RIVM
