Aruba ta preparando cu training di Trefbal pa Weganan Interinsular

ORANJESTAD (AAN):  E dos scolnan di Aruba cu a clasifica pa e Weganan Interinsular,

ta preparando intensamente pa por duna nan mihor durante di e competencianan otro siman di Trefbal.

            E scolnan di Colegio San Hose y Colegio Felipe B. Tromp ta manda nan miho atletanan pa e bataya. Bou e guia di Jean Pierre Castaño, Joanne Angela Croes, Giancarlo Crapiles y Carina Tromp, e ekiponan lo pone tur nan energia durante cada wega pa asina asegura nan exito riba e tereno.

            Di 29 di Februari te cu 2 di maart, e dos scolnan aki lo enfrenta nan contrincantenan di Bonaire y Curaçao y ta priminti di bay pone tur nan esfuerso den cada wega pa asina lanta e bandera di Aruba cu orguyo.

            Trefbal no ta solamente un deporte, IBiSA ta trahando duro cu e ekiponan pa nan ta bon prepara pa e encuentronan. Nos ta wak dilanti pa e grandioso reto cu nos ta enfrenta, y nos ta sigura cu e dos teamnan local ta duna di nan tur riba tereno.