ORANJESTAD (AAN) – Minister di Salud Publico y Turismo, señor Dangui Oduber, a expresa den un entrevista cortico cu DIARIO, cu Aruba ta caba ta eherciendo turismo medico.
E mandatario a menciona cu na Aruba ya caba ta wordo atendi pashentnan for di Sin Maarten y Bonaire y e intencion ta pa sigui haci inversion pa Aruba por sigui explora turismo medico, por ehemplo inverti den un equipo di control di curazon pa esnan cu ta dive, y cu ta un exigencia caba den Caribe.
Minister Oduber a señala cu tur esaki e ta explorando dentro di e retonan financiero cu gobierno tin. El a agrega cu Hospital ta haci turismo medico caba cu “interventie cardiologie” y cu “Advanced wond care center”. El a reitera cu intencion ta pa haci inversion y haya e “return” a base di turismo medico.
E dignatario a agrega cu esaki sigur lo yuda Hospital y su retonan financiero, mirando cu HOH no ta pasando den su miho momentonan, door di cortamento den presupuesto y di e proyecto di construccion y inversionnan asina den futuro cercano, lo yuda HOH den su situacion financiero.
