Meverly Romano, PR di DIMP:
ORANJESTAD (AAN) — Relacionista Publico di DIMP, señora Romano a agrega, den entrevista cu DIARIO, cu e tendencia cu tin ta cu e cantidad di autonan na Aruba, como tambe di bromer, ta sigui aumenta aña pa aña.
El a duna di conoce cu aña pasa, na Januari, e cantidad di autonan tabata 89 mil, aworaki na Januari tabata 92.800, kiermen un average di tres mil number a bin acerca, no ta solamente auto nobo, e ta autonan segunda mano cu ta wordo importa tambe.
“Basicamente, e cantidad di autonan of bromer a aumenta riba nos isla, y esey ta haci cu e cantidad ta hopi grandi y cada bez nos ta mira cu no tin un tendencia cu e cifranan ta baha den registracion di autonan. Tur dia nos ta atende cu registracionnan nobo. Esey ta un tendencia cu nos ta mir'e caba un par di aña y na e momentonan aki nos ta den porta di 93 mil number. Esey no ta nifica cu tur ta plachi A”, señora Romano a señala.
