ORANJESTAD (AAN): For di 8 te cu 15 di April venidero, Cas Princesa Aruba tin dos candidata presente na Republica Dominicana compitiendo den e di 8 edicion di e certamen Model World.
E dos reinanan ta Xamarah Anthonij di 10 aña, y Samantha Romero di 12 aña. Hunto cu reinanan di paisnan manera Panama, Puerto Rico, Peru, Republica Dominicana, Mexico y mas. Xamarah lo ta den e competencia di Mini Model World, y Samantha den Pre Teen World 2024.
Den e prome edicion Sendy Loefstop gana Preteen mini model world. Esey tabata na 2016.
Cas Princesa Aruba, famia y tur amigo ta manda palabra di exito na tur dos reina y cu nan logra e corona pa Aruba. Aruba por vota pa e reinanan via e website di Mini Model World. Potret pa cortesia di Mini Model World y Cas Princesa Aruba.
