A yega na un total di 12.000 caso di Covid-19 - *Recomendacion pa tur hende vacuna y bisti tapaboca!
ORANJESTAD (AAN): Crisis Team a indica cu segun resumen di diaranson, 39 persona a recupera y un total di 123 caso nobo di COVID-19 a keda registra cual 7 ta turista y 116 ta residente.
E cifranan aki ta representa un 'Positivity rate' bou di residentenan di 33%. Cantidad di casonan activo di COVID-19 ta 630 y cantidad di fayecidonan relaciona cu COVID-19 ta 111.
Datonan ta ilustra subida continuo di casonan nobo cu un average semanal di 68 caso pa dia y un average di 'positivity rate' semanal di 28% pa dia cu ta sigui subi.
Hospital tin 19 persona interna di cual 5 ta den ICU y 14 riba piso general.
Datonan di hospital ta ilustra cu di esnan ingresa den hospital cu COVID 17 persona no tin ningun vacuna y solamente 2 persona tin 2 vacuna, esnan interna den ICU ningun tin vacuna.
Di e 116 casonan di residentenan cu a keda registra por señala cu 73 persona (63%) no tin ningun vacuna, 3 persona (3%) tin un vacuna y 39 persona (34%) tin tur dos vacuna.
Si compara data di hospital cu data di casonan positivo por observa cu tin personanan vacuna tambe ta test positivo pa Covid.
Sinembargo ta esnan no ta vacuna ta esnan cu tin % mas halto cu ta wordo interna den hospital pa atencion medico locual por a wordo evita si nan tabata vacuna.
Por agrega na esaki cu pronto Aruba sigur lo aparece riba e lista di paisnan cu CDC ta considera como "Risico Hopi Halto" den e sentido cu pa cada 100 mil habitante tin 500 caso nobo.
Wel, Aruba mester ta prepara pa cuminsa sinti e efectonan di un di tres ola di Covid.
Bay vacuna! Y si bo no kier vacuna, usa semper bo tapaboca!
