ORANJESTAD (AAN): Relaciona cu Dia Mundial di Tera cual tabata dia 22 di april ultimo Clubnan di Lions Aruba, Bonaire y Curaçao a scoge pa haci un proyecto di
servicio enconhunto pero teniendo na cuenta cu e pandemia cu e paisnan ABC ta pasando aden.
Den fin di siman cu a pasa, miembronan di club Lions di Aruba, Bonaire y Curaçao ta worde invita pa planta un mata den cura di nan cas cual preferible ta un mata cu ta produci cuminda manera fruta of berdura. Cu e acto bunita aki clubnan di Lions di Aruba, Bonaire y Curaçao ta invita comunidad pa durante e siman di 24 di april pa dia 1 di mei planta un mata, saca un potret y post riba nan Facebook page di Aruba One Happy Island Lions Club.
Sigui e instruccion y asina por gana un premio. Un invitacion pa mayor y yiunan den famia planta un mata. Esaki ta un proyecto cu henter comunidad di Aruba, Bonaire y Curaçao por participa den un bunita proyecto na benificio di mama tera y nos medio ambiente. Esaki ta un proyecto di Aruba Lions Club, Aruba One Happy Island Lions Club, Bonaire Lions Club y Curaçao Lions Club.
