Den lugarnan di trabao na Aruba
ORANJESTAD (AAN): Aruba Human Resources Association (AHRA) ta continua cu su compromiso: creando un ambiente excelente pa haci trabao di calidad, den combinacion cu reunionnan general relevante cu topiconan educativo, contribuyendo na desaroyo profesional, fortaleciendo organizacionnan y stimula dialogo riba temanan laboral importante pa Aruba.
Recientemente AHRA a tene dos reunion general cu topiconan educativo pa su miembro nan y no-miembronan, creando un oportunidad pa extende e enseñansa pa fortalece e conocimiento y profesionalismo di nos miembronan y no -miembronan pa nan por eherece nan funcion den HR cu mas calidad y confianza den nan organizacion.
Durante e reunion general di juni, Charlene Nectar, Presidente di AHRA y propietaria y directora general di U-SparkPeople Management & Development Consultancy VBA, a presenta e topico “Preparing the Next Generation of Leaders: Succession Planning, Knowledge Transfer, and Business Continuity”. Enfocando mas pa prepara organizacionnan pa transicion di liderazgo, door di identifica posicionnan critico, desaroyando talento pa futuro y proteha y persevera e conocemento di e organizacion y fortalece e continuidad, prome cu e cambio bira un necesidad urgente.
Durante e reunion general di september, Marie-Elise Maduro Ras, Social Worker, Behavior Expert y propetaria di Eden Embrace, a presenta e topico “The Impact of Elderly Care in the Workplace”. Poniendo enfasis riba con responsablilidadnan di cuido y e aumento di e poblacion di edad avansa na Aruba ta trece desafio nobo pa e empleado y organizacionnan, cu ta haci e topico aki cada biaha mas relevante pa organizacionan. Destacando e importancia di flexibilidad, y bienestar di cada empleado, pa asina tambe e rol di liderazgo den organizacionan por brinda mas sosten, apoyo apropia y acceso na e recurso necesario pa nan empleadonan.
“Creando un ambiente excelente pa haci trabao di calidad” ta nifica pa prepara organizacionnan pa futuro, mientras nos ta keda conecta cu e realidadnan cu empleadonan ta experencia den nan trabao diario. Mientras nos ta fortalece e liderazgo pa contribui na un forza laboral mas fuerte, mas prepera pa futuro. Sosteniendo e empleadonan y crea un lugar di trabao mas saludabel, paso e impacto ta bay mas lew cu solamente e organizacion. Esaki lo contribui na construi un Aruba mas fuerte, mas sostenibel y cu mas bienestar pa tur empleado,” ta loke Charlene Nectar, Presidente di AHRA a declara.
Pa medio di educacion, intercambio di conocemento y desaroyo profesional, AHRA ta keda comprometi pa fortalece e profesion di Recurso Humano y contribui na crea lugarnan di trabao unda tanto empleadonan como organizacionnan por crece, desaroya y prospera profesionalmente.
E board di AHRA ta satisfecho cu e resultado di e evento. AHRA ta continua explorando topiconan nobo y relevante hunto cu su miembronan y tambe pa e no-miembronan.
{gallery}Aruba Human Resources Association ta sigui fortalece ensenjansa, liderazgo y dialogo{/gallery}
