Aruba HOG 297 satisfecho cu nan exitoso Ladies of Harley Bike Ride 2022

ORANJESTAD (AAN): Durante un atardi pa anochi alegre, a tuma lugar Diasabra e actividad di Ladies of Harley Bike Ride 2022.

  E fundacion di Aruba Harley Owners Group 297 a organiza esaki, cu a bira e prome ‘Ride’ oficial di e fundacion aki, y nan lo converti esaki den un evento anual cu lo sigui tur aña riba e prome Diasabra di luna di Mei.

   E ride aki a bin di un dama pa organiza un paseo special pa damas.  Nan a escoge Casibari Café tambe pa fungi como e sede principal di ‘Ladies of Harley Bike Ride 2022’.

   A culmina e anochi escogiendo Dyanira Ras di e Harley MFA-21 como e Reina y a wordo corona como “Queen Ladies of Harley Bike Ride 2022”.  E corona ta cortesia di e preparador conoci Endy Croes.

   A ser splica cu tambe lo tin premio pa Best T-Shirt, cu a bay pa Zulaica Halley.