Aruba Hi-Winds ta presenta su di 35 edicion na The Fisherman’s Huts

ORANJESTAD (AAN): Durante e decadanan, Aruba Hi-Winds a crece di un competencia di windsurfing bastante chikito,

pa un evento completo yena cu entusiasmo y adrenalina riba awa y tera.

E anticipacion ta grandi pa e di 35 edicion di Aruba Hi-Winds cu lo tuma lugar 17 - 22 di mei 2023 na Fisherman’s Huts.

E organisacion ta sumamente agradecido na e sosten di nan partners Successfully Caribbean, Amstel Bright, Aruba Tourism Authority,Vader Piet Wind Park y CXPay. Atletanan por inscribi online pa participa na Aruba Hi-Winds, den un forma facil y lihe riba e website arubahiwinds.com.

E registracion oficial lo tuma lugar riba diaranson, 17 di mei 2023 entre 2 – 5 PM, sigi pa un apertura festivo cu entretenimento na Fisherman’s Huts.