ORANJESTAD (AAN): Aruba Heart Foundation, cu semper salud den mente,
despues di un tremendo Simposio “Bo Curason Den Tempo di Covid”, lo continua awor cu nan prome 5 Km Fun Walk.
Como cu September ta internacionalmente reconoci como luna di curason, e evento aki lo tuma lugar Diasabra, 24 di September pa 5.30p.m.
E “Beach Boardwalk” aki ta planea pa sali di e beach di Costa Linda y lo bai te banda di Embassy Suites. E lo worde coordina door di IBiSA y lo haya ayudo tambe di Aruba Medical Assistance y Rehab Team di Dr. Horacio Oduber Hospital.
Ta welcome tur cu ta pensa riba nan salud, pero muy en especial lo ke mira esnan poco mas mayor cu ta sufriendo di malesa di curazon en particular pero tambe otro malesa manera diabetis y cholesterol.
Edad no ta hunga un rol bini uno bini tur.
Pa solamente un suma chikito por registra y lo haya tambe un pedometer regalo. Lo tin hopi premio pa e participantenan.
