Aruba Bank ta orguyoso di yuda atletanan local den landamento

ORANJESTAD (AAN) Aruba Bank tabata presente na e entregamento di premio di e “Annual International Swimming Competition: Stingray Challenge”.

E competencia, organiza pa Stingray Swimming, y ta worde organiza pa mas di 10 aña y ta reuni e mihornan den landamento.

    E competencia a tuma luga den fin di siman di 1, 2 y 3 di April, unda e top atletanan a representa Aruba meymey di competidornan local e internacional. E atletanan tabata den pleno preparacion y tabata train 6 pa 10 biaha pa siman. Atletanan di landamento di Aruba a haci un tremendo trabao durante e competencia.

    Aruba Bank ta contento di por a aporta na e actividadnan deportivo y pa sigui promove deporte entre nos landadornan hoben y ta felisita organizadornan y participantenan pa un tremendo evento y competencia.