Un dia di diberticion pa henter famia
ORANJESTAD (AAN): Aruba Bank, conhuntamente cu IBiSA y COA, ta invita comunidad pa atende e evento deportivo y educativo: IBiSA Kids Run 2025. Esaki lo tuma lugar dia 21 di juni 2025, dilanti di oficina principal di COA.
E IBiSA Kids Run ta crea pa stimula un estilo di bida activo y saludabel pa muchanan y nan famia. Lo tin categorianan di careda pa diferente grupo di edad, pa asegura cu cada mucha por participa. Lo tin standnan informativo y presentacionnan interactivo tocante bienestar y salud.
Pa yuda nos sostenibilidad, corda trece bo mes boter di awa! Aruba Bank ta sumamente orguyoso di apoya e evento aki y motiva un comunidad saludable y activo for di chikito.
