ORANJESTAD (AAN): Aruba Bank orguyosamente a duna un bista financiero na nos hobennan atravez di charla educativo.
Representantenan di Aruba Bank a bishita Edu Campus pa interactua cu 60 studiante.
E presentacion a ser duna pa informa studiante tocante e importancia di responsabilidad financiero y e bentahanan di cuminsa na un edad hoben. Door di e charla interesante e interactivo, e studiantenan a siña tocante maneho di placa, pone un meta financiero, y e beneficio di comprende con decisionnan diario financiero ta impacta nan futuro.
Aruba Bank su meta ta pa yuda studiante tuma e prome paso na independencia financiero. E ta hopi mas cu habri un cuenta na banco, e ta pa siña studiantenan riba desaroya un habito cu ta trece exito den largo plaso.
E iniciativa aki ta refleha e mision mas amplio di Aruba Bank pa sostene institucionnan educativo y inverti den futuro di nos hobennan. Door di conecta directamente cu e studiantenan, Aruba Bank ta sigura cu e maneho financiero entre studiantenan ta bira un parti clave den nan bista academico
