Aruba Bank ta bisa danki na Mila kende ta bay disfruta di su pensioen

ORANJESTAD (AAN): Aruba Bank ta duna su mas sincero danki na Mila, un empleada stima cu a sirbi banco cu dedicacion y lealtad desde 1 di November 2003.

   Mila a cuminsa como Accounts Payable Clerk despues di e transicion di Interbank, y durante su carera e a sobresali pa su disciplina den su trabao.

   Mila a trece hopi alegria y personalidad na su lugar di trabao: su pasion pa team di Hulanda, semper bisti na oranje, su entusiasmo den tur celebracion, y su gran amor pa Carnaval.

   Mila tambe a briya den e deporte di softball, unda el a ricibi reconocemento nacional pa hopi aña di participacion y excelencia.

   Nos ta duna un danki special pa su empananan di diabierna, su energia positivo, su cariño y e bunita espirito di colegialidad cu nos lo haya hopi falta.

   Aruba Bank ta desea Mila un pension bon mereci, yena di alegria, deporte, biahe y aventura nobo. Su aporte lo keda recorda cu hopi agradecimiento.