Aruba Bank lo cuminsa entrega Tarheta di Debito entrante awe Diasabra

Nan a haya carchinan bek cu microchip

ORANJESTAD (AAN): Nan a haya carchi di chip bek!  Aruba Bank a confirma na DIARIO, cu entrante awe Diasabra, nan lo cuminsa cu distribucion di Tarheta di Debito.  Hopi hende ta wardando pa algun tempo caba pa haya nan carchi nobo di Debit Card aki.

   Segun Aruba Bank, pa preveni aglomeracion na sucursal di banco, un ekipo designa cu distribucion lo tuma contacto cu clientenan den e secuencia cu e tarhetanan keda cla pa busca, y lo haci un cita pa e cliente por busca su tarheta.

   Banco lo inicia cu e clientenan cu actualmente no tin tarheta, despues lo percura pa clientenan cu tin tarheta cu fecha di vencimento extendi ricibi un tarheta nobo.

    Clientenan cu mester asistencia of cu tin un Aruba Bank Mastercard Debit Card perdi, horta, of daña, por yama e Contact Center via telefoon 527-7777, of via WhatsApp +297 592-7777, of por manda un email na: This email address is being protected from spambots. You need JavaScript enabled to view it.  cu “Subject” “Tarheta di Debito”.