Aruba Bank hopi orguyoso di por a aporta na e realisacion di documentario 'Tradicion di Dande na Aruba'

ORANJESTAD  (AAN): Aruba Bank, e banco di Aruba, ta orguyoso di por a sostene Fundacion Mi Cutisa (FMC) cu e realisacion di e proyecto di cinema documentaire di e Tradicion di Dande na Aruba.

            Aruba Bank a duna sosten financiero pa por realisa e proyecto mirando e importancia di e documentacion di un di nos herencianan cultural intangibel y e cantidad di personanan di edad avansa cu a participa na e proyecto aki.

            E proposito di e documentario, ademas di produci un documentacion visual di e tradicion di Dande na Aruba, ta pa rindi homenahe na Sr. Vicente Ras e unico cantante di Dande di Tambu na Aruba

            E documentario lo wordo publica na The Movies desde 28 di December te cu 6 di Januari, 2022.

            Aruba Bank a felicita directiva di FMC y tur persona cu a duna sosten y cu di un of otro manera a traha pa realiza e bunita proyecto. Alavez ta invita comunidad pa mira e documentario aki na The Movies y aporta na Fundacion Mi Cutisa.