Aruba Bank contento di a patrocina e di 10 edicion di Kids & Youth Christmas Song Festival

ORANJESTAD (AAN): Aruba Bank a patrocina e di 10 y ultimo edicion di Kids & Youth Christmas Song Festival. 

E bunita proyecto di Kids & Youth Christmas Song Festival ta celebra 17 aña den aire.

                E meta principal di e Festival di Canto aki ta pa no laga nos cancionnan di Pasco na Papiamento conoci como cancionnan di Pasco Clasico bai perdi. Entre nan nos por menciona: Ora Solem, Den un Stal, Bon Bini niño keri, Keto Keto Keto,

                A nace un Niño, Awe t’un dia grandi y tambe dunando oportunidad pa cancionnan di Pasco nobo riba mercado por medio di propio composicion. Unico rekisito pa por a participa na e festival aki, ta cu e cancion mester ta di Pasco y den idioma Papiamento.

                Aruba Bank ta contento di a yuda realisa e di 10 y ultimo edicion di Kids & Teens Christmas Song Festival cu un participacion di 30 mucha. Nos ta orguyoso di por a mira e talentonan di Aruba canta canticanan di Pasco na Papiamento. Pabien na un y tur cu a participa/