ORANJESTAD (AAN): Durante luna di april, Aruba Bank a lansa cu campaña di hipoteca, “Realisa bo cas”.
A peticion di clientenan a extende e campaña cu un periodo mas, pa duracion di tres (3) luna, cu a inicia na juli 2023 te cu september 2023. Tur persona cu a aplica y a finalisa nan proceso di hipoteca durante e periodo di juli te cu september 2023 automaticamente a participa pa gana AWG 15,000.
Vincent Henry a construi su cas durante e periodo di campaña y a gana e suma di AWG 15,000.
Vincent a ricibi tur conseho di hipoteca for di nos experto den hipoteca Jane Lacle, y asina a logra realisa su cas nobo cu un hipoteca di Aruba Bank.
Vincent ta sumamente contento cu e suma ricibi y awor por sigui pa amplia su cas danki na e suma adicional.
Aruba Bank ta felicita e feliz ganador y ta gradicie pa su confiansa den Aruba Bank pa yud'e realisa e cas di su soño.
