Aruba Bank a celebra cultura y tradicion cu e 53 Festival di Dande Adulto

Nan ta patrocinador orguyoso...

ORANJESTAD (AAN): Cu gran orguyo, nos a celebra e 53 edicion di Festival di Dande Adulto, un evento cultural cu ta honra y mantene bibo e tradicion di Dande, un pilar importante di nos herencia cultural.

   Durante e festival, Robert Maduro a gana como Rey di Dande y Maria-Elena Croes como Reina di Dande, aportando briyo, pasion y autenticidad na e celebracion di e tradicion di Dande.

   Aruba Bank ta hopi orguyoso di a participa como sponsor di e 53 edicion di Festival di Dande Adulto, reafirmando su compromiso continuo cu preservacion di cultura y sostenibilidad di nos herencia cultural. Sosteniendo evento manera esaki ta parti di e vision di Aruba Bank pa cuida y celebra loke ta conecta nos como pueblo.

   E banco ta felicita tur participante, organizador y sostenedor cu a haci posibel e festival aki.