Aruba Bank a aporta na Festival un Canto pa Aruba su Himno y Bandera

ORANJESTAD (AAN): Aruba Bank ta yuda engrandece nos cultura door di aporta na Festival un Canto pa Aruba su Himno y Bandera.

            Durante un fin di siman exitoso e festival a tuma lugar riba Plaza Betico Croes. Participantenan di categoria infantil, hubenil y adulto a deleita e publico presente cu tremendo presentacionnan.

            E meta principal di e festival aki ta pa promove nos cultura y engrandece e conocemento cultural bou di nos muchanan, hobennan y adulto. Esaki ta wordo haci door di demostra nan talento pa nos patria.

            Plaza Betico Croes por a conta cu un gran cantidad di bishitante cu a presencia e festival y ademas por a disfruta di un bon surtido di cuminda, cosnan dushi y arte tipico di Aruba.

            Aruba Bank ta felicita Comision Promove Cultura CBTL, Fundacion Cultural di Festivalnan Folklorico y tur participante y e ganadornan cu a forma parti di e Festival.