Aruba Airport Authority a firma acuerdonan nobo Ground Handling Concession

ORANJESTAD (AAN): Aruba Airport Authority N.V. (AAA), operado di Aeropuerto Internacional Reina Beatrix,

a firma acuerdonan nobo di Ground Handling Concession cu su dos proveedornan di servicio di ground handling, Aviation Ground Services N.V. dba Swissport (AGS) y General Air Services Inc. (GenAir), estableciendo un framework standardisa y actualisa dunamento di servicio di ground handling na Aeropuerto di Aruba.

Despues di un revision amplio di e areglonan di ground handling existente na Aeropuerto di Aruba, AAA a scoge pa sigui cu su partnership cu su dos proveedornan di servicio di ground handling estableci en bes di inicia un proceso nobo di seleccion. E proceso di renobacion a brinda e oportunidad pa traha riba e relacionnan di hopi tempo aki mientras ta introduci un cuadro actualisa y pa gran parti standarisa alinea cu e rekisitonan operacional actual y futuro di e aeropuerto.

E acuerdonan nobo ta resultado di un proceso extenso di consulta y negociacion entre AAA y ambos partner di ground handling y ta refleha e desaroyo continuo di e aeropuerto su exigencianan operacional, siguridad, proteccion, calidad di servicio y sostenibilidad.

Ground handling ta un componente esencial di operacionnan di aeropuerto, cu ta encera un rango amplio di actividadnan cu ta sostene e companianan di aviacion y nan pasaheronan prome y despues di cada vuelo. P’esey e acuerdonan nobo ta pone enfasis particular riba mantencion di normanan halto di operacion y siguridad, personal adecuadamente capacita, inversion y mantencion apropia di Ground Service Equipment (GSE), rendimento na nivel di servicio y cumplimento cu rekisitonan aplicabel di aeropuerto y regulacion.

Tambe e acuerdonan ta mira padilanti pa e futuro desaroyo di Aeropuerto di Aruba. Tur dos proveedo di servicio di ground handling a compromete nan mes cu plannan di renobacion y inversion di GSE, incluyendo e transicion progresivo pa ekipo di emision mas abou y electrico. AAA, na su turno, lo sigui considera e infrastructura di sosten di aeropuerto necesario pa e transicion aki como parti di su obhetivonan di desaroyo di infrastructura y sostenibilidad mas amplio.

Jonny Andersen, CEO di Aruba Airport Authority N.V., a declara: “Nos decision pa continua cu nos partnernan existente di ground handling ta reconoce e experiencia, conocemento operacional y relacionnan estableci cu ambos organisacion a construi na Aeropuerto di Aruba. Na mes momento, renobacion no por nifica simplemente sigui bou di e mesun condicionnan. Nos a haci uzo e oportunidad aki pa establece un cuadro actualisa cu expectativanan cla rond di siguridad, proteccion, calidad di servicio, inversion y sostenibilidad segun cu nos ta prepara e aeropuerto pa e añanan nos dilanti.”

E cuadro nobo tambe ta reenforsa e expectativanan di AAA pa loke ta trata dunamento di servicio y resiliencia operacional. Pa medio di norma y exigencianan comun, AAA tin como meta pa garantisa cu e aerolineanan cu ta opera na Aeropuerto di Aruba por depende riba servicionan di ground handling cu ta sostene e crecemento continuo di e aeropuerto mientras ta mantene e nivelnan di siguridad, proteccion, confiabilidad y calidad cu ta spera den henter e comunidad di aeropuerto.

Walid El-Hage, CEO di Swissport Dutch Caribbean, a duna di conoce: “Nos ta honra y agradecido na Aruba Airport Authority pa e confiansa cu nan a deposita den nos pa medio di e renobacion di nos acuerdo pa shete aña mas. E extension aki ta un reconocemento fuerte di e partnership cu nos a construi durante añanan y di nos compromiso comparti cu confiabilidad, siguridad, excelencia servicio sobresaliente. Nos ta anticipa di por sigui cu nos colaboracion estrecho cu Aruba Airport Authority, nos partnernan di aviacion y e comunidad di aviacion mas amplio pa sostene e crecemento continuo y exito di Aeropuerto di Aruba. Nos ta orguyoso di ta parti di e paisahe di aviacion di Aruba y ta entusiasma pa construi riba e partnership aki pa hopi aña mas.”

Director General di GenAir, Alejandro Muyale, a agrega: “Como un compania Rubiano orguyoso cu mas di 50 aña di experiencia, nos ta honra di por sigui cu nos partnership di hopi tempo cu Aeropuerto di Aruba bou di e acuerdo nobo aki. Nos team dedica ta hunga un rol importante den yama e bishitantenan bonbini na Aruba y percura pa nan sali cu un ultimo impresion positivo di nos isla. Hunto cu nos partnernan di aerolinea y e comunidad mas amplio di aeropuerto, nos ta comprometi na entrega servicionan di ground handling sigur, confiabel y eficiente cu hospitalidad Arubiano genuino y un sonrisa. Nos ta spera di por sigui inverti den nos hendenan, ekipo y operacionnan mientras nos ta contribui na e futuro desaroyo di e sector di aviacion di Aruba.”

E firmamento di e acuerdonan ta reenforsa mas ainda e colaboracion di hopi tempo entre AAA y su partnernan di ground handling y ta refleha un compromiso comparti pa e desaroyo sigur y sostenibel di e sector di aviacion di Aruba.

Andersen a agrega: “Segun nos aeropuerto ta sigui desaroya, e organisacionnan cu ta opera den dje mester evoluciona cu nos. E acuerdonan aki no ta solamente tocante continua nos partnershipnan; nan ta tocante garantisa cu nos colectivamente ta keda prepara pa e demandanan y normanan operacional di futuro.”

E Ground Handling Concession Agreement nobo lo drenta na vigor dia 1 di januari 2027 y lo atende e suministro di servicio di ground handling door di tur dos operado