BRA cu resumen di e training
ORANJESTAD (AAN): E di 12 training regional anual di tsunami, Caribe Wave 23, a tuma luga riba 23 di maart 2023. Grupo di coordinacion intergubernamental di UNESCO/IOC pa cu tsunami y otro peligronan costero pa cu Caribe a coordina e training aki.
Paisnan miembro y teritorionan por a escohe for di 2 scenario presenta: scenario 1 Teremoto den Golfo di Honduras y Scenario 2 erupcion di volcán di Monte Pelée, Martinica. E training nan di tsunami manera Caribe Wave ta importante pa valida y pa asina avanza di extremo pa mas extremo.
Ta ricibi e informacionnan necesario pa e 48 estadonan miembro y teritorionan di Caribe EWS, e partinan interesa y e comunidadnan cu ta den riesgo pa planifica y participa na e training.
Preparacionnan pa cu Caribe Wave 2023
Caribe Wave ta un training cu ta wordo organisa tur aña e di 3 diahuebs di luna di maart.
For di e luna di januari a cuminsa informa e respectivo miembronan di crisis team pa cu e fecha di e training regional di tsunami pa asina eskinan pasa dicho informacion pa e miembronan di nan cluster. Tur a haya invitacion pa participa na 2 webinar caminda cu por a haya tur informacion di e scenarionan pero tambe e proceso cu lo activa durante e training.
Na Aruba e crisis team tambe a wordo yama hunto na comienso di maart pa asina ricibi un presentacion di representante di Meteo Aruba y tambe di BRA caminda a repasa e scenario y tambe comparti informacion di con e training lo wordo ehecuta.
72 ora prome cu e fecha a manda un mail pa tur dienstnan gubernamental pa asina nan tambe registra nan participacion na Caribe Wave 2023. Motibo cu a invita tur departamentonan di gobierno ta pa den caso cu si nan no tin un plan di emergencia cu nan por cuminsa plan pa yega na esaki, pero tambe pa esunnan cu tin nan plan nan por practica esaki
Pa kico training ta importante?
Aruba ta train anualmente na Caribe Wave pa asina revisa e plannan cu tin scirbi si esakinan mester di adaptacion of ahustacion. Tur instancia cu a participa tabata tin nan plan pa cu tsunami y a trece esaki den practica durante dicho training.
Dor di evalua y haci simulacronan ta yuda crea concietisacion bou di coleganan di dicho organisacion. Si tur trahado di e organisacion conoce e plan di emergencia y ta na altura di ki accion mester wordo tuma, lo yuda na salba mas bida. Cual ta e tarea principal semper den un situacion di crisis/desaster esta salba bida.
Tipo di trainingnan cu a tuma luga:
Organisacion, instancia, dienstnan y schoolnan a sea train nan plan di evaciacicon, un table top pa asina revisa nan plan si un situacion presenta, sistema di alarma con pa comunica cu nan demas personal of orientacion etc.
No ta tur tin un plan di emergencia oficial y pa esunnan cu no tin un plan a wordo recomenda pa haci un training di orientacion. Esaki ta encera cu por a sinta hunto un grupo di personal di e respectivo organisacion pa asina traha un plan di si un situacion asina presenta kico ta e accionnan cu lo tin cu wordo tuma.
Pero tambe cu e parti di orientacion por a cana rond den nan facilidad pa wak si tur salida di emergencia ta accesibel, sin ningun estorbo, si tin un sistema di intercom caminda cu por manda un mensahe di emergencia pa tur persona den dicho facilidad.
Si nos mira e realidad cu mas cu 70% di nos dienst/organisacion no tin un plan di emergencia. Esaki ta duna nos un idicacion cu den caso cu un situacion di crisis/desaster presenta lo por spera mas victima ya cu no tin un plan vigente ya cu e personal corespondiente no sa ki accion nan tin cu tuma.
Kende tur a participa?
E aña aki a recomenda tur cu lo ta desea pa participa pa registra na e pagina oficina di tsunamizone.org. A riba e pagina aki por a mira e participantenan di Aruba cu a registra oficialmente pero tambe tabata tin algun organisacion cu no a registra oficialmente pero cu si a train riba dia 23 di maart.
E lista di participacion riba e website:
School, Educacion
Scol Preparatorio Cayena
Imelda Kleuterschool:
Sint Aloysius School:
Sint Anna School:
Colegio Frere Bonifacius:
Rosario College:
Cacique Macuarima School:
Colegio San Hose:
Scol Caiquetio :
Directie Onderwijs Aruba
SKOA
Sector hotelero
Aruba Hotel & Tourism Association:
Barcelo Aruba:
Eagle Aruba Resort & casino:
Manchebo Beach resort & Spa:
Aruba Marriott:
Renaissance Wind Creek Aruba Resort & Casino,
The Ritz-Carlton, Aruba, Loss Prevention Department,
Boardwalk Boutique Hotel Aruba,
Radisson Blu Aruba, Safety and Security
Instancianan Gubernamental y Semi Gubernamental
Aruba Tourism Authority (ATA)
Meteo Aruba
Departamento di Asunto Social
Department of Civil Aviation:
Post Aruba NV:
Bureau Voorlichting
Coordinatiebureau Overheidssubsidie
Directie Natuur en Milieu
Bureau Traimerdia,
Bureau Rampenbestrijding Aruba
Bureau di Minister Arends
DIMAS
Directie Arbeid en Onderzoek
Directorate of Shipping
Landsrecherche
Monumentenbureau
Marinierskazerne Savaneta
Parlamento di Aruba
Ministerraad Aruba
KIA
CEA Aruba
Airport Authority NV:
Web Aruba NV:
Sector Priva – Medico – Non Profit
Aruba Stevedoring Company (ASTEC) NV:
Aruba Ports Authority N.V (APA)
Horacio Oduber Hospital:
Funvisis Funisa Aruba:
Refugio Social:
