Aruba a logra sali den Top 12 di Miss Teen Grand Universe 2024

ORANJESTAD (AAN): Manera DIARIO a trece caba siman pasa, e beyesa hubenil Emilly-anne Andrews a lanta vuelo rumbo pa Cartagena,

unda el a participa den certamen di Miss Teen Grand Universe.

   Durante full e siman Emily a sa di destaca y diamars ultimo den e certamen final, e beyesa di Aruba a logra un puesto den e 12 finalistanan y tambe a logra e premio di Best Smile. 

  Emilly a luci un trahe di gala diseña door di Endy Croes y cosi pa Verena Lian.  Su estilismo a keda na encargo di Allan Kock. 

   DIARIO sigur ta felicita Sr. George Winterdaal kende ta na cabes di GLW Foundation pa un biaha mas trece otro logro pa nos Isla y nos ta contento cu e trabao realiza pa e representante local.

   Diahuebs atardi ya caba Emilly-anne a regresa Aruba y a wordo ricibi pa su famia y amigonan na Aeropuerto.