Aruba a haya un reina bunita y sigur hopi inteligente y cu yen ambicion

E certamen di Miss Universe ta uno di beyeza femenino internacional cu ta tumando lugar tur aña,

unda ta huzga e beyeza integral, elegancia, e personalidad di e candidata, su postura, comunicacion, y con sigur nan ta di nan mes.

   Den fin di siman, a corona Thessaly Zimmerman di 26 aña como Miss Universe Aruba 2021.  Un dama cu un caracter sumamente impresionante, inteligente, y sigur di su mes!  Alavez e mes tabata desea di hopi tempo pa un dia e por ta riba escenario pa representa e isla aki na Miss Universe.

   Desde 2006 te cu 2013 el a atende Colegio Arubano na Playa.  Tin di resalta e hecho cu na Mei 2010 el a cuminza recauda placa pa Koningin Wilhelmina Kankerfonds.  Na Juni 2010 el a competi den e evento di Aruba Model Search, y a finaliza den e Top 7.

   Di Juli 2010 te cu Augustus 2014, el a traha como modelo tambe na KOMA Models na Aruba.  Na aña 2012 el a wordo corona como Miss Teen Aruba 2012.

   Di September 2012 te cu Juli 2013 el a labora como un sales clerk na Sport Caribe na Playa.

   Na April 2013 el a cuminza recauda fondo pa combati cancer di pecho pa Mary Joan Foundation.  Na Juli 2013 el a representa Aruba na Miss Teen Americas 2013 na El Salvador.  El a bira e runner-up despues di Fulvia Villareal di Panama.

   Di Augustus 2013 te cu Juli 2014 el a traha como sales clerk na Trash by Ronchi.  Di 2014 te cu 2020 el a atende University of Applied Science na Utrecht (Hulanda), unda el a obtene su Bachelor’s Degree den International Communication and Media Studies.  Di 2016 pa 2017 el a studia Music Marketing and Management na Universidad tambe.

   Na October 2016 el a competi na Miss Amsterdam 2016 na Stadsschouwburg di Amsterdam, y el a sali runnerup despues di Ireda Nijboer.

   Di Februari 2016 pa Juni 2020 el a traha como Shift Lead na Pollux Pacific na Amsterdam.  Di Februari 2018 pa Juli 2018 e tabata un stagiare di backoffice na TravelBird na Amsterdam.  Na Juli 2020 el a cuminza como un recepcionista na WOW Amsterdam.

   Apenas algun siman pasa el a fungi como hurado pa certamen di Miss Teen Aruba International 2021.

   Na December awor, e lo ta participando pa Miss Universe na Eilat (Israel), y pa e ora ey e lo tin 27 aña di edad.  Riba combinacion di potret por mira mas di demas beyezanan local cu tabata presente na mometo di su coronacion den Enchanted Garden di House of Mosaic na Playa. Star Promotion ta e organizador local di Miss Universe Aruba.