ORANJESTAD (AAN) – Minister Ursell Arends, como Titular di Transporte Publico, a comenta den entrevista cu DIARIO,
cu aña pasa na November, como parti di e delegacion di Reino, a firma un MoU, cu ta establece cu pa aña 2030, Aruba lo percura pa yega na 30% di vehiculonan sea electrico of di otro forma cu ta genera cero emision.
“Esaki ta e direccion cu nos ta bay, y nos a palabra cu nan tambe den e beleid, cu esaki ta cosnan cu nan ta bay wak.
Mi ta spera cu nan tambe por contribui pa nos logra e meta aki. Kizas e ta hopi ambicioso pero mi ta kere cu si tur e partnernan y sectornan aki colabora, nos por yega na e meta aki tambe.
Esaki ta algo cu nos ta bay pusha riba nan, y nos a informa nan caba. Awo nos ta na 2023, tin siete aña pa nos, conhuntamente, por yega na e transicion aki.
Mi sa cu conductornan di autobus tambe tin nan propio ambicionnan, y nos lo purba como gobierno pa facilita, pa conhuntamente nos por logra esakinan”, e mandatario a indica.
