Aruba a bay felicita pais Armenia cu nan Dia Nacional

ORANJESTAD (AAN): Informacion di Aruba Huis na Den Haag, ta indica cu Directora di Kabinet van Aruba, Joselin Croes LL.M/M.Sc a

atende na Pulchri Studio na Den Haag un recepcion na ocacion di Dia Nacional di Armenia.

   Señora Croes a felicita embahador Viktor Biyagov den nomber di Gobierno di Aruba cu e celebracion di nan dia nacional. Republica di Armenia ta celebra e aña aki 34 aña di independencia.

   Durante di e recepcion Joselin Croes a haci uso di e oportunidad pa papia cu embahador di otro paisnan y combersa cu Minister Plenipotenciario di St. Maarten Gracita Arrindell y  Minister Plenipotenciario di Curaçao Carlson Manuel. Tambe ela haci uso di e oportunidad pa fortalesa su network den e mundo diplomatico na Den Haag.  E potretnan ta cortesia di Kabinet van Aruba.