ORANJESTAD (AAN): Pa su di 21 edicion na Aruba, e organizadornan di Soul Beach Music Festival a mustra cu nan lo ta cla pa sacudi e isla cu un spectrum di musica pa deleita tur hende,
cu entretenimento di nivel internacional, cu e.o. cantantenan cu ta produciendo hit manera Jill Scott, The Roots, y Lucky Daye presentando riba escenario den e weekend largo di 24 pa 29 di Mei 2023 na Aruba.
The Roots ta un di e gruponan di rap mas prolifico den musica contemporaneo, y lo bay ta presentando Diasabra 27 di Mei 2023.
E cantante Jill Scott cu a gana tres biaha un Grammy Award, y kende ta un actor, un poeta cu ta bende hopi buki, lo bay ta presentando riba Diadomingo 28 di Mei 2023.
E cantante sensacional Lucky Daye cu un fundacon solido den classic soul, lo bay ta dunando presentacion na comienzo tambe riba Diadomingo.
