Artista Kev a bay duna mini-concierto na EPB Oranjestad

ORANJESTAD (AAN): Recientemente, EPB Oranjestad a ricibi bishita special di e artista Kev, kende a dicidi na suministra un charla inspirado,

y tambe a acopla esaki cu un mini-concierto pa e alumnonan.

   Directiva di EPB ta manda palabranan di danki na e organizadornan di e evento ‘Vibra Latina’, cu a regala tambe entrada pa e evento di Diasabra na tur e alumnonan.

   Tambe EPB Oranjestad ta manda danki na Ministro Wendrick Cicilia pa su presencia, y su discurso special pa e alumnonan durante e actividad aki, den Aula grandi di EPB Oranjestad.

   A compronde cu e alumnonan a keda hopi contento, motiva, y inspira pa sigui cu nan soñonan.