CORO: Un hoben venezolano cu tabatin basta tempo caba na Curaçao, a warda te ora cu frontera entre Venezuela y e isla a habri, pa asina e busca forma pa regresa su pais natal.
Y esey a socede mas di dos siman pasa, y el a regresa su cas na La Vela, cu ta keda net pariba di Coro, na municipio Colina.
Pero algo a bay malo riba Dialuna mainta, ora cu diripiente delincuentenan a yega su dilanti, y sin bisa un palabra el a ser tira mata den sector Tierra Adentro na La Vela. E victima tabata dilanti un negoshi ta bebiendo alcohol, ora cu nan a yega y tire mata cu monton di tiro, el a djis cay abao. E ta parce di ta un reglamento di cuenta.
Ora cu Polis y tambe Paramediconan a yega eynan, ya e hoben no tabatin señal vital mas, pues eybao mes riba caminda el a fayece.
El a wordo identifica como Jean Carlos Gutiérrez, naci dia 30 di September 1994 na Venezuela (edad di 28 aña).
El a biba hopi aña na Curaçao unda e tabata haci trabao di tatuahe. Pesey ta hopi hende conoce na Curaçao pa su obranan di tattoo. Polisnan di Cicpc awor ta investigando.
