Arthur Kelly tin 35 aña trahando den Turismo

ORANJESTAD (AAN): Recientemente Minister di Turismo Dangui Oduber tawata invitado na un celebracion bunita unda a

celebra e 35 aña aniversario di sr. Arthur Kelly trahando den e industria di turismo y su 24 aña trahando na e Faro Blanco Restaurant. Un bunita atardi unda Arthur Kelly tabata rondona door di su coleganan, famianan y ademas amistadnan.

   Minister Oduber a hiba algun palabra di felicitacion y gradicimento pa sr. Arthur Kelly, enfocando ariba su pasion y lealtad pa e trabou pero tambe duna aprecio pa tur su añanan di servicio contribuyendo positivamente na Aruba su turismo.

   Pa termina e ceremonia sr. Arthur Kelly a hiba algun palabra y a expresa cu e ta stima e sector turistico y ta haci su trabou cu hopi amor pero loke ta pone sinti mas feliz ta tur e amistadnan cu e la crea durante e ultimo 24 añanan trahando na e Faro Blanco Restaurant.            Minister Oduber a duna sr. Arthur Kelly un bunita plaquette como gratitud pa a cumpli 20+ aña di aniversario y cu a demostra e berdadero compromiso di e calidad cu ta briya den sr. Arthur Kelly su dedicacion y cu ta fungi como un embahador di nos turismo. Nos no por lubida cu Aruba su asset di mas grandi ta nos hendenan.