Archivo Nacional y Biblioteca cu nan forza uni pa haci informacion mas accesibel y util

Logrando e premio internacional cu orguyo

ORANJESTAD (AAN): Durante e 54 conferencia di ACURIL cu a tuma lugar dianan 8 – 12 di juni 2025 na Curaçao, Archivo Nacional Aruba conhuntamente cu Biblioteca Nacional Aruba a ricibi den nomber di e plataforma digital Coleccion Aruba, un prestigioso premio y reconocimento internacional for di e organizacion OCLC. Un organizacion global di biblioteca cu ta duna servicionan tecnologico comparti, investigacion original y programa comunitario pa su miembronan y pa e comunidad di biblioteca na un manera general. Nan ta uni forsa pa haci e informacion mas accesibel y util.

   E colaboracion na Aruba entre ANA, BNA y demas partner di Coleccion Aruba, consistiendo di 12 partner actualmente na Aruba y den Reino, a cumpli cu e meta di e premio: “OCLC Award for Innovative Cooperation Initiatives in the Caribbean”. This award recognizes and distinguishes a school, academic, public, or national library for an innovative cooperation accomplishment in the planning and implementing of a program or service, ideally using technologies, for the benefit of its clientele or community. Goal of the award: The objective of the award is to provide visibility to innovative, cooperative initiatives in libraries, information, and archival services in the Caribbean. It aims to recognize the improvement of the services offered within those institutions for the good of their users and/or community.

   Coleccion Aruba a sobresali pa su originalidad y innovacion, aplicacion di tecnologianan nobo y cooperacion. E award a worde presenta riba e ultimo anochi di e conferencia di ACURIL, y a worde ricibi door di director di Archivo Nacional Aruba, Sr. Raymond Hernandez y directora di Biblioteca Nacional Aruba, Señora Astrid Britten den presencia di coleganan di Archivo Nacional Aruba y Biblioteca Nacional Aruba.

   Un pabien na tur e partners y Aruba completo cu e bunita logro y premio.