ORANJESTAD (AAN): Relaciona cu e retraso cu tin den e cuentanan anual di pais Aruba, Presidente suplente di Algemene Rekenkamer,
Frederick Nuboer a laga sa cu semper nan ta traha cartanan pa gobierno over di esaki.
El a splica cu nan a papia di Parlamento riba esaki pa pone atencion riba dje. Cada biaha cu un Parlamento nobo a sinta a pidi atencion p'e y ta splica precis con e proceso ta.
Hopi biaha a hacie tambe cu Directie Financien y Centrale Accountansdienst. Ta algo cu nan ta na altura di dje y ARA ta duna seguimento. Aworaki ta cay bek atras den e cuentanan anual.
Nuboer a laga sa cu Belastingdienst ta exigi di tur compania y tambe di e eenmaanszaak pa nan entrega nan cuenta anual tur aña na tempo y si nan no haci esey nan ta haya boet. Como gobierno di Aruba ta suppose di duna un bon ehempel. "Ley pa un ley pa tur", Frederick Nuboer a declara.
E cartanan cu ARA a manda ta relata na e cuentanan anual di 2016 y 2017. Aworaki tine retraso di 2019 cu 2020. Aworaki e pandemia ta wordo uza como e excuus y esey ta un excuus cu no por uza, a remarca.
Mester sa precis unda e placa ta bay y na final di cuenta e ministernan ta keda responsabel pa e maneho cu nan a haci y e por 'touch' nan financieramente tambe despues, a señala.
Finalmente el a laga sa cu ARA tin comunicacion cu gobierno. Nan tin e poder di drenta Parlamento y haci e onderzoek cu nan kier. E problema mas grandi cu ta wordo constata ta cu no tin suficiente ta wordo haci cu nan raportnan.
ARA a skirbi suficiente raport den e añanan cu a pasa y nan lo sigui haci nan trabao diligentemente, "pero mas mester wordo haci cu nos raportnan", a expresa.
