*Colaboracion lo nifica bahada di prijs di awa y coriente
ORANJESTAD (AAN): For di Willemstad, Corsow, DIARIO a haya informacion cu Diahuebs, durante un ceremonia oficial, Aqualectra N.V. y Eagle LNG Partners LLC a firma un Heads of Agreement, cu ta stipula cu e companianan por cuminza negocia relaciona cu uso di gas duradero como combustibel pa produccion di awa y coriente na Corsow.
Ta premira cu e periodo di negociacion lo dura te meymey di aña y despues cu ta adkiri tur permiso necesario e companianan lo continua cu desaroyonan pa por suministra gas como combustibel den e proceso di produccion.
Esaki lo resulta den un bahada di e gasto relaciona cu produccion y mantencion, cual lo nifica cu pueblo di Corsow por spera un bahada di prijs di awa y di coriente.
CEO di Aqualectra N.V., Darick Jonis, y señor Filipe Pinto, Vise Presidente di Business Development di Eagle LNG Partners LLC a firma e Heads of Agreement den presencia di Minister di Desaroyo Economico di Corsow, Ruisandro Cijntje, Consul General di Merca Margy Bond, partner y stakeholdernan.
