Apertura Oficial di Exposicion di Potret: ‘Framing Social Problems and Solutions’ na Biblioteca Nacional Aruba

ORANJESTAD (AAN):  Departamento di 'Social Work and Development' den Facultad di Arte y Ciencia di Universidad di Aruba ta

host e exposicion di potret titula ‘Framing Social Problems and Solutions’. E evento lo habri oficialmente na Biblioteca Nacional Aruba dia dialuna 26 di mei 2025.     

            E actividad ta parti di e curso Latin America and Caribbean Social Issues, den e programa di Bachelor pa Trabao Social y Desaroyo na Universidad di Aruba. Durante e curso aki, studiante ta familiarisa cu problema social na Aruba y ta aplica teoria sociologico pa splica nan causa y haya solucion sostenibel. Como parti di e curso, studiante a haya entrenamento den fotografia y a wordo pidi pa uza un potret di un problema social den Aruba, Caribe of Latino America, y un potret di e solucion pa e problema. E potretnan ta wordo exponi den e exposicion.

Obhetivo di e Exposicion di Potret ‘Framing Social Problems and Solutions’:

1. Studiante ta uza teoria sociologico pa splica problema social y solucion den Aruba, Latino America y otro isla den Caribe.
2. Studiante ta uza fotografia pa involucra den accion social y pa promove solucion y cambio di problema social.
3. Studiante ta demostra compromiso cu analisis di problema social for di diferente perspectiva teoricamente sociologico.

E Exposicion
E exposicion ta habri pa publico te cu dia 18 di juni 2025 na Biblioteca Nacional Aruba. Den colaboracion cu experto, studiante lo guia un dialogo publico riba tema ‘Innovative Solutions to Poverty in Aruba, Latin America, and the Caribbean’ dia diahuebs, 12 di juni 2025, 7:00 pm. E exposicion ta patrocina door di N.V. ELMAR.